20160805_131302.jpg20170614_125219.jpg20170614_130301.jpg20170614_132014.jpg20170614_185332.jpg7-July-2017.jpgDSC_0009.JPGDSC_0011.JPGDSC_0019.JPGDSC_0020.JPGDSC_0030.JPGDSC_0073.JPGDSC_0074.JPGDSC_0077.JPGDSC_0087.JPGDSC_0099.JPGDSC_0163.JPGDSC_0202.JPGDSC_0230.JPGDSC_0272.JPGDSC_0328.JPGDSC_0341.JPGDSC_0521.JPGDSC_0525.JPGDSC_0530.JPGJaherat.jpgP8100033.JPGSSSU 26 Jan celebration.jpg

"पूर्णता गौरवाय" इति ध्येयवाक्यं पुरस्कृत्य भगवत: श्रीसोमनाथस्यानुज्ञया भारतवर्षस्य गुर्जरप्रान्ते समुद्रतटे श्रीसोमनाथमन्दिरस्यानतिदूरे वेरावल’नगरे सर्वतोभावेन पूर्णतावाप्तये श्रीसोमनाथसंस्कृतविश्वविद्यालय: सततसंवर्धनशीलो विद्यते ।   संस्कृतवाङ्मये निहिता सुदृढा शास्त्रीया ज्ञानपरम्परा भारतीयजीवनेन सह सुतराम् अनुस्यूता भारतीया संस्कृतिरस्य  विश्वविद्यालयस्याधारभूमि:, विश्वविद्यालये तत्सम्बद्धेषु महाविद्यालयेषु च अध्ययनरता: सर्वेऽपि तपोनिरताश्छात्रा अत्र बीजस्वरूपा:, वेदवेदाङ्गोपनिषद्दर्शनादिशास्त्रनिबद्धं ज्ञानं तेषु सततसञ्चरणशील: प्राणदो वायुरूप: तथा च सुवर्णपात्रेणेव संस्कृतभाषामुखेन कुशलैरध्यापकगणैः एतद्वाङ्मयनिष्ठसाहित्य - सङ्गीत - कला - योगायुर्वेद - कृषि - विधि - वाणिज्य - पर्यावरण - रसायन - भूगर्भ - जलविज्ञान - गणित - खनिज - पोतविज्ञान - वास्तुशास्त्र - कर्मकाण्डादीनां विषयाणां क्रियमाण: नित्यनूतनोन्मेषसहकार: तात्त्विकविमर्श: जलाभिषेचनरूपो भवेदिति लक्ष्यमस्माकं वरीवृत्यते । तत्र च गुणवत्ताधानपूर्वकं बीजत: अङ्कुरं ततः स्वविकसितपत्रपुष्पादिभरिता: उत्तमलदायिनस्तथा च सर्वेभ्य: शीतलच्छायां प्रयच्छन्त: वृक्षा इवात्र अधीयानाश्छात्रा: ज्ञानवैभवपूर्णाः सततकर्मनिष्ठा भूत्वा श्रेष्ठतामवाप्नुयु: । एवं च सत्य-ब्रह्मचर्य-देशभक्त्यादि- सद्गुणभूषितास्ते आत्मन: गुणवत्तायां तादृशीं श्रेष्ठतामादाय आत्माभ्युदयं तथा च निरन्तराहितपूर्णतया विश्वपटलेऽस्मिन् राष्ट्रस्यास्माकं गौरववृद्धिं सम्पादयेयुरिति भगवन्तं श्रीसोमनाथं भूयो भूय: सम्प्रार्थते ।  

तच्चरणसमर्पितान्त:करण:

(प्रो. गोपबन्धुमिश्र:)

                                                                                                                                                                     कुलपति: